27 снежня ў школе прайшла віктарына "Мая Беларусь", пад кіраўніцтвам Яўгеніі Іванаўны Шахалевіч. Рабяты радаваліся не толькі сонейку, але і канікулам, калі можна паспаборнічаць на званне лепшага эрудыта-патрыёта, расказаць пра любімую кнігу на роднай мове, пачытаць вершы пра нашу мілую Беларусь. А найлепшым падарункам пераможцы сталі патрэбныя для кожнага вучня кнігі - тэсты.

   Для больш малодшых дзяцей у школе прайшла бяседа ў выглядзе гульні “Што я ведаю пра Беларусь”. Правяла займальную гульню Святлана Леанідаўна Бядок, якая падрытавала вучням найцікавейшыя загадкі, віктарыны і гульні. Заданні былі тыпу: упрыгожыць дзяржаўны сцяг Рэспублікі Беларусь; працягнуць прыказкі і прымаўкі; папрацаваць перакладчыкамі з рускай мовы на беларускую, на карце вобласці знайсці самыя буйныя гарады і рэкі нашай магутнай неабсяжнай Радзімы. У канцы мерапрыемства выкарыстоўваючы назвы гарадоў Беларусі і іх асобныя літары, склалі слова АДЗІНСТВА, як сімвал моцы духу і веры ў светлую будучыню нашай краіны.